Skip to main content

ഞാന്‍ നരകത്തിലേക്ക്.....!!!

ബൈബിളിലെ പുതിയ നിയമത്തില്‍ പറയുന്നതനസരിച്ച് ആ ദിനം വന്നെത്തി. നരകത്തിലേക്കുള്ളവരെ ദൈവം തന്റെ ഇടത് വശത്തും സ്വര്‍ഗ്ഗത്തിലേക്കുള്ളവരെ വലതു വശത്തും മാറ്റിനിറുത്തുന്ന ദിനം. ഓരോരുത്തരെയായി ദൈവം പേരു ചൊല്ലി വിളിക്കുന്നു. ചിലരെ ഇടത് വശത്തേക്ക്. ചിലരെ വലത് വശത്തേക്ക്. ഇടത് വശത്തേക്കുള്ളവരെ നോക്കി പിശാച് സന്തോഷത്തോടെ ഇളിച്ചു കാണിക്കുന്നു. വലത് വശത്തേക്ക് പോകുന്നവര്‍ ചുരുക്കമേ ഉള്ളുവെന്നത് ഒരു സത്യമാണെങ്കിലും അവര്‍ക്കായി മാലാഖമാര്‍ ആനന്ദഗാനങ്ങള്‍ ആലപിക്കുന്നു.

ഓരോരുത്തരെ വീതം പേരു ചൊല്ലി വിളിക്കുന്നതിനനുസരിച്ച് എന്റെ ഊഴം അടുക്കുന്നത് ഞാനറിഞ്ഞു. ഉള്ളില്‍ ഒരു വിറയല്‍. എന്നെ എങ്ങോട്ടാ‍യിരിക്കും പറഞ്ഞ് വിടുക? ഞാന്‍ പാപിയാണെന്ന് ഞാന്‍ സമ്മതിക്കാം. എന്നാലും ഞാന്‍ ചെയ്തിട്ടുള്ള ഏതെങ്കിലുമൊക്കെ നന്മയുടെ പേരില്‍ എന്നെ വലതു വശത്തേക്ക് മാറ്റി നിറുത്തുമെന്ന വിശ്വാസത്തോടെ എന്റെ ഊഴത്തിനായി കാത്തു നിന്നു.

അങ്ങനെ എന്റെ പേര് വിളിച്ചു. "വാഴയില്‍ കുടുംബത്തില്‍ ഇട്ടിയവിരാ ജോര്‍ജ്ജിന്റെയും മേരി ജോര്‍ജ്ജിന്റേയും ഇളയ പുത്രന്‍ ജോസ്മോന്‍..... ഇടത് വശത്തേക്ക് പോകുക....!!!" ആ ശബ്ദം കേട്ട് ഞാന്‍ നടുങ്ങി. ശരീരം വിറച്ചു. എന്തു കൊണ്ടങ്ങനെ? ഞാനതിനു മാത്രം എന്തു തെറ്റാണ് ചെയ്തത്? ഒന്നും മനസിലാവുന്നില്ല.

ദൈവത്തിന്റെ സിംഹാസനത്തിന്റെ ഇടത് വശത്തേക്ക് ഞാന്‍ നടക്കുന്നതിനിടയില്‍ ഞാന്‍ തല ഉയര്‍ത്തി, വിറയലോടെ ദൈവത്തോട് ചോദിച്ചു. "ദൈവമേ, നീ എന്തു കൊണ്ട് എന്നെ ഇടത് വശത്തേക്ക് പറഞ്ഞു വിടുന്നു? ഞാന്‍ പാപിയാണെന്ന് ഞാന്‍ സമ്മതിക്കുന്നു. എങ്കിലും ഞാന്‍ ചെയ്തിട്ടുള്ള ഒരു നന്മയെ ഓര്‍ത്തെങ്കിലും എന്നെ അങ്ങയുടെ വലത് വശത്തേക്ക് പറഞ്ഞയച്ചൂടെ....??"

ചെറുപുഞ്ചിരിയോടെ ദൈവം എന്നെ നോക്കി....., ദൈവം പറഞ്ഞു... "മകനേ, നീ പാപിയാണെന്നതു കൊണ്ടല്ല നിന്നെ ഞാന്‍ ഇടത് വശത്തേ നിത്യാഗ്നിയായ നരകത്തിലേക്ക് പറഞ്ഞു വിടുന്നത്.... പകരം ഇതിനോടകം അവിടെ എത്തിപ്പെട്ടു പോയവരെ നീ നല്ലവരാക്കി... നരകം എന്ന പിശാ‍ചിന്റെ സാമ്രാജ്യം ഇല്ലാതാക്കുന്നതിനു വേണ്ടിയാണ്....!!!"

സന്തോഷാശ്രുക്കളോടെ ഞാന്‍ ഇടതു വശത്തെ നരക കവാടം ലക്ഷ്യമാക്കി നടന്നു....!! അപ്പോള്‍ പിശാച് ദൈവത്തോട് ദേഷ്യത്തോടെ വിളിച്ചു പറയുന്നുണ്ടായിരുന്നു.... "വേണ്ടാ ഇവനെ എന്റെ സാമ്രാജ്യത്തിനു വേണ്ടാ" എന്ന്....!!!


ഒരു ചെറിയ കടപ്പാട്: എന്റെ സുഹൃത്ത് ബിജോ തുരുത്തികോട് അയച്ച ഒരു എസ്.എം.എസ്. ആണ് ഈ കഥക്കു പിന്നിലെ ത്രെഡ്.

Comments

മനസ്സിലായി.. ദൈവം പിശാചിനിട്ടൊരു 'പണി' കൊടുത്തതാണല്ലേ.. :)
Abdhul said…
This comment has been removed by a blog administrator.
കനല്‍ said…
ഇടത് വശത്ത് ഞാനില്ലാതിരുന്നാല്‍ നിന്റെ ഭാഗ്യം...

ഉണ്ടെങ്കില്‍ ...ങ്ഹാ നിന്നെ അപ്പോള്‍ കാണാം ആരാവും നന്നാവുന്നതെന്ന്?

കലക്കീടാ വാഴേ !!!
വാഴേ,
ഇതു കലക്കി...നല്ല ഒഴുക്കുള്ള ഭാഷ...
അവിടെതന്നെ കൂടാന്‍ നോക്കേണ്ട...
ഏല്‍‌പ്പിച്ച ജോലി തീര്‍‌ത്ത് വേഗം തിരികെപ്പോരണം..
കാത്തിരിക്കാന്‍ ആളുള്ള കാര്യം മറക്കേണ്ട....
അപ്പോ ആ‍ തിരുത്തിക്കാടനേയും തല്ലണം!
PoochaSannyasi said…
എന്റെ വാഴേ, എന്നെ പ്രൊജക്ട് മാനേജരാക്കി അങ്ങോട്ട് വിട്ടപ്പോഴെ , ഞാന്‍ ദൈവത്തോട് പറഞ്ഞതഅയിരുന്നു, എനിക്കൊരു അസിസ്സ്റ്റന്റിനെ വേണമെന്ന്, അങ്ങനെ ദൈവത്തിന് എസ്.എം.എസ്സ് അയച്ചുകൊടുത്തത നിന്റെ പേര്. ആദ്യത്തെ ചോയ്സ് തുരുത്തിക്കാടനായിരുന്നു, അപ്പോ ദൈവത്തിന്റെ മറുപിടി: അവന്‍ കെ.കെ. ബാറില്‍ ആണ് എന്ന്, പിന്നീടാണ് നിന്റെ പേര്‍ കൊടുത്തത്, അതാ നിന്നെ തന്നെ അങ്ങോട്ട് വിട്ടത്....ഏതായാലും Vaഴയുടെ vക്യതി കലക്കി...മ്യാവൂ.....
എത്രയൊക്കെ ശ്രമിച്ചാലും ഞാന്‍ വരില്ലാ ഈ നരകത്തില്‍ നിന്നും. ദയവായി വായേട്ടന്‍ എന്നെ നന്നാക്കാനും ശ്രമിക്കരുത്. ഞാനിവിടെ ലൂസിഫറിന്റെ വലം കൈ ആയി മാനം മര്യാധക്ക് ജീവിച്ചോട്ടെ.

വായേട്ടാ, നല്ല ഭാവന. ഇങ്ങനെതന്നെ എന്നുമാവട്ടെ.
ഷമ്മി said…
വാഴേ...ഇപ്പോള്‍ നരകത്തില്‍ ഇരുന്ന് ഇതെഴുതുമ്പോഴും എനിക്ക് ചിരി വരുന്നു. ആഗ്രഹിച്ചുപൊകുന്നു. അളിയനെ പോലെ ഒരാള്‍ ഇവിടെ കൂട്ടിനുണ്ടായിരുന്നെങ്കില്‍..
Jobin Daniel said…
ഓഹോ അങ്ങനെ ആണോ വാഴ ഭു‌മിയില്‍ മുളച്ചത്?

Popular posts from this blog

അവനേയും തേടി...!!

കൂട്ടുകാരന്റെ വിവാഹ-പാര്‍ട്ടിയും കഴിഞ്ഞാണ് ഞാന്‍ അവന്റെ റൂമിലേക്ക് പോയത്. അവന്റെ മുറിയിലേക്ക് കടന്നപ്പോള്‍ വല്ലാത്ത ഒരു ഗന്ധം. സിഗരിറ്റിന്റേയും, ഒഴിഞ്ഞ കാലിക്കുപ്പികളില്‍ നിന്നും പിന്നെ വാഷിംഗ് ബേസിനില്‍ കഴുകാതെ കിടക്കുന്ന പാത്രങ്ങളുടെയും എല്ലാം കൂടിക്കലര്‍ന്ന ഒരു വല്ലാത്ത ഗന്ധം. പുസ്തകങ്ങളും സിഗരറ്റ് പായ്കറ്റുകളും അങ്ങിങ്ങായി ചിതറി കിടക്കുന്നു. ഒരു സൈഡില്‍ കിടക്കുന്ന കട്ടിലില്‍ തേപ്പ് പെട്ടി മുതല്‍ മൊബൈല്‍ റീ-ചാര്‍ജര്‍ വരെ വലിച്ചെറിഞ്ഞതു പോലെ കിടക്കുന്നു. മുറി അടിച്ചു വാരി വൃത്തിയാക്കിയിട്ട് ദിവസങ്ങളായി എന്നതില്‍ സംശയമില്ലാ. വെയിസ്റ്റ് ബോക്സ് നിറഞ്ഞ് കവിഞ്ഞ് പുറത്തേക്കു കൂടി വീണു കിടക്കുന്ന ചൈനീസ് ഭക്ഷണാവശിഷ്‌ടങ്ങളും അതിന്റെ പായ്ക്കറ്റുകളും. അയയില്‍ അലക്കാന്‍ അട്ടിയിട്ടിരിക്കുന്ന പന്റുകളും ഷര്‍ട്ടുകളും. മഴക്കാലമായതിനാല്‍ പലതിലും കരിമ്പന്‍ പിടിച്ചിരിക്കുന്നു. ആകെ കൂടി ഒരു വല്ലാത്ത അവസ്ഥയില്‍ കിടക്കുന്ന അവന്റെ മുറിയിലേക്ക് കയറിയപ്പോള്‍ ആദ്യമായി എനിക്ക് അസ്വസ്ഥത തോന്നി.

പണ്ടൊന്നും ഇങ്ങനെ ആയിരുന്നില്ലാ അവന്റെ മുറി. മുറിയിലേക്ക് കയറുമ്പോള്‍ തന്നെ ഒരു സുഖന്ധം അനുഭവപ്പെടാന്‍ പാകത്തിന് അവന്‍ …

മാറ്റങ്ങള്‍

ഒരു നാള്‍ അവള്‍ പോകുമെന്ന് എനിക്കറിയാമായിരുന്നു. അതിത്ര പെട്ടന്ന് ആവുമെന്നറിയില്ലായിരുന്നു. അല്ലെങ്കില്‍ തന്നെ എത്രയോ പേര്‍ തന്റെ ജീവിതത്തില്‍ വന്നിരിക്കുന്നു, അതുപൊലെ അവരെല്ലാം പോകുകയും ചെയ്തു. ചിലര്‍ യാത്ര പോലും പറയാതെ..! എന്നാലും നാളേ മറ്റൊരാള്‍ ജീവിതത്തിലേക്ക് കടന്നു വരുമ്പോള്‍ എന്തേ ഞാന്‍ ചിന്തിക്കില്ലാത്തത്... മറ്റന്നാള്‍ അവളും പോകുമെന്ന്. സമയത്തിന്റെ തികവില്‍ മാറ്റങ്ങള്‍ അനിവാര്യമാണല്ലോ...!!

ചിലപ്പോള്‍, ഞാന്‍ ചിന്തിക്കുന്നതു പോലെ അവരും - എന്നെ വിട്ടു പോയവര്‍ - ചിന്തിക്കുന്നുണ്ടാവും. അവര്‍ക്ക് താനും നഷ്‌ടപ്പെട്ടവരുടെ കൂട്ടത്തിലാണല്ലോ. പലരേയും ഞാന്‍ ഇന്നു മറന്നിരിക്കുന്നു. അവര്‍ എന്നേയും മറന്നിട്ടുണ്ടാവും. ശരിയാണ്, മാറ്റങ്ങള്‍ അനിവാര്യം മാത്രമല്ല, പ്രകൃതിനിയമവുമാണ്.

എന്തായാലും ഇന്ന് മറ്റൊരാള്‍ എന്റെ ജീവിതത്തിലേക്ക് കടന്നു വരുകയാണ്. ഇവിടേയും ഞാന്‍ ചിന്തിക്കുന്നില്ല - അവളും പോകുമെന്ന്. ഇന്ന് എനിക്കൊരു ആത്മവിശ്വാസം, അവള്‍ പോകില്ലാ എന്ന്. അവളെന്നെ വിട്ടു പോകാന്‍ ഞാന്‍ അനുവധിക്കില്ലാ എന്ന്. അവള്‍ക്ക് വിട്ടു പോകാന്‍ ആവില്ലാ എന്ന്. മാറ്റങ്ങള്‍ അനിവാര്യമാവാം, പ്രകൃതിനിയമവുമാവാം ഒപ്പം മനുഷ്…